عن ريال مدريد و روسيا و البتنجان المخلل

بوست من صفحة "أنا سلفي وما بعضش ولا بضرب" على الفيسبوك : الرابط

فريق ريال مدريد الإسبانى كان بيلعب فى روسيا و لكن الغريب فى T-Shirt الفريق إن مفيش عليه إعلان الراعى الرسمى للفريق اللى هوا شركة BWIN عارف ليه ؟
.
.
.
.
.
.
عشان الشركة دى شركة قمار و روسيا بتمنع إعلانات القمار
بعد كده محدش يقول السائح اللى يدخل البلاد المسلمة لازم ياخد راحته و يعمل اللى على مزاجه

سبحان الله

منقول

 

و حياة أمي الناس ديه هتنقطني !!!! نموذج لتحول المنطق الى بتنجان مخلل !!!

أولا بس عشان نبقى واضحين :القمار في رأيي من أوسخ الأنشطة اللي اتعملت
في تاريخ البشرية و كارثة اجتماعية و اقتصادية تخرب أي مجتمع )

ثانيا بقى :
1- ريال مدريد ماكانش رايح روسيا "سياحة" و لا فسحة..ديه "رحلة عمل" .
2-تنظيم المباريات في أي بطولة قارية بيبقى بالتعاون مع الاتحاد صاحب الأرض و اللي بدوره ما يقدرش يخالف قوانين دولته .
3-القمار في روسيا عمل مشكلة اقتصاديه كبيرة جدا(ببحث بسيط على النت تقدر تعرف حجم و أبعد مشكلة روسيا مع القمار) و ده كان السبب الرئيسي في الغاؤه ...(أما انتا فبتشحت ناس يجولك عشان ماعندكش غير السياحة و قناة السويس) ..المهم الاثار الضارة بقى خليته قانوني في 4 مناطق بس في روسيا كلها مش من ضمنها موسكو الي اتلعب عليها الماتش .
4- Bwin.com شركة القمار راعي ريال مدريد ليها موقع بالروسي و متاح لأي حد.

ديه مجرد عينة بسيطة من الأسباب.....بس كله كوم ..و إننا ناخد روسيا مثل كوم !!! مش روسيا ديه في نظركو بلد الالحاد و الشيوعية !! و أعلتنو عليها الجهاد أيام أفغانستان ! و بلد الانحلال و الدعارة !!!! و سقوط الاتحاد السوفيتي كان نصر من الله و فتح مبين !!!!!!

و بعدين الاسلامجيين يزعلو أوي لو كلمناهم عن البكيني و السكس و القمار و يقول لك اسألونا في المفيد...نسأل في المفيد ..نلاقيهم يقولو كلام زي المكتوب تحت ده !!!!! عامة أنا نفسي يعملو اللي بيقولو عليه في السياحة كمان و أما نشوف هيطلعو من الحفرة اللي بيحفروها لنفسهم دي إزاي!