من الحاجات اللي بقيت أحاول أعود نفسي عليه مؤخراً إني دايماً أبص لتصرفات التاس بصورة أعمق و أحاول أكتر أعرف دوافعهم في الأفعال اللي بيعملوها بدل ما أقعد أحكم عليهم من مكاني.....حاولت أعمل الحكاية ديه مع الناس اللي هتنتخب "شفيق" في الانتخابات ...و حاولت أبص للموضوع من كذا زاوية عشان أكون دقيق قدر الامكان في تكوين رأيي....من وجهة نظر "سياسية" ...الراجل ما مارسش سياسة طول عمره اللي قضى معظمه ظابط في الجيش ..وحتى لما بقى وزير كان على حد تعبيره هوا شخصياً "وزير تكنوقراط" .."فني" مالوش اختصاصات سياسية ...طيب....سيبك يا عم من السياسة...نحسبها بالعقل ...هقول لحضرتك حاجتين...أقعد اسمعه في أي برنامج كده لمدة 10 دقايق بسسسسس....و شوف النتاج العقلي لهذا الانسان !!! أو حتى طريقة تعبيره .....بلاش ديه يا عم ...يعني البلد قامت بثورة ضد رئيس كان طيار و ما يفهمش في السياسة و حظه الوحيد إن الرئيس السابق هوا اللي جابو...تقوم بعد ما تخلعه ...بردو تجيب طيار ...و مالوش في السياسة و الرئيس اللي فات هوا اللي جابو ...بردو !!!!!!! بردو !!!!!!!! ده جنان ده و لا ايه ؟؟؟؟؟....طيب يا عم سيبك من العقل كمان ..... من وجهة نظر أخلاقية بحتة ....راجل لما جابوه على رأس السلطة التنفيذية في البلد كرئيس وزرا.....تعهد بحماية كل المعتصمين في التحرير و إنه هيجيب لهم بونبوني فوجئنا كلنا تاني يوم بمشهد من الكوميديا السودا شافه العالم كله في ميدان التحرير و خيول و جمال بتهجم ع الناس و راح ضحية الهجوم عشرات من أنقى شباب مصر ...!!! فين الأخلاق و الرجولة و المسئولية في موقف زي ده ؟ و لا في إنك تقول إن رئيس قامت ضده ثورة مثلك الأعلى !!!!!!!!........عامة أنا هتجنب أقول رأيي في الناس اللي اختاره شفيق بصورة محددة و قاطعة ..بس أعتقد الكلمتين اللي فوق دول بيلخصوا أنا عايز أقول عليهم ايه بالظبط !!!
بردو !!!!!!! بردو !!!!!!!!
ReplyDeleteلخصت كل حاجة